الإذاعة المطرسية .. “الملحقات”

السلام عليكم ..

 

من ثلاث أسابيع ..

كان علينا الدور في الإذاعة المدرسية ..

فلازم نتحمس ..

لأن عليها درجات .. بس بين جمعيتنـا ..

يعني كل مجموعة في الجمعية ..

عليهـا دور ..

فأخذنــا ولله الحمد 100%

 

هذي الميدالية جلست أحورف فيهـا في أسبوع اللي كان إجازة ..

ميدالية الخير ..

الميداليات الدرزن بـ7 ريال

والورق ورق أصفر مقوى 50 ورقة بـ5 ريال

وماكلفنا ولا شيء بس أني تقطعت يديني فيه ..

وهذا هو

 

 

—–

 

أما الملحق الثاني فطبعت هالصورة لعشرة ريال بعد ماقصيت بس الواجهه

 

فلم الــزرافة .. الرعب تناناناااااا

{ السلام عليكم ورحمة الله وبركــاتهـ ..~

الكل عارف أوقات الضيق وأولهـا حالتي ..

إذا صار عندك أختبار من بكرة وتحاولين تدورين شيء تشغلين فيه عمرك ..

أدعووووووا لي بالتوفيق ..

هذا فلم الزرافة ..

قلم هدية من خيي ..

جاز لي شكله

وهوجست فيه وعشقته .. فقررت أخليه بطل فلم ..

والفلم بأسمه بعد

أسم الفلم:  الــزرافة .. ومغامرتهـا البحرية

تمثيـل: بطولة: الزرافة المملوحة

إنتاج: مدونة بسوم

برعاية الـwordpress.com

إخراج وتصوير وإضاءة…الخ من الأعمال: Basoom

منذ مبطي من الوقت .. كانت هنــاك (زروفة) .. تعيش بين قبيلة الـ(زرافات) .. كانت طموحة ..

مجدة .. شاطرة ومؤدبة

وفي ذات يوم .. حلمت .. أن تزور البحر وتشوف أخباره .. وشكله

فحققت حلمهـا .. وشدت شنطتـا  .. ومشت بأغراضهـا ..

وقامت تبحر .. وتبحر .. وتبحر ..

()

وبعد بــرهه

أتت أمواج تلاطم خديهـا الموردتين  .. وتنط مرة منا .. ومرة مناك

ولازالت الأمواج تلطمهـا وتعطيهـا كفوف حارة .. في هذيك اللحظة حست أنها صقد نعمومة

فمن رقتهـا أغمى عليهـا ..

فكانت تطفو على سطح البحـر

وبعد ماطفت .. نطلهــا البحر على الجــزيرة ..

نطلة المــال المقهور النافر

ولكن ..

فكرت زروفة .. وفكرت .. وفكرت ألين ماتعب مخهـا من التفكــير ..

فقالت آخر حل أني أطقهـا صداقة مع البحر .. يمكن مايكمخني مرتن أخرى مثل هالكمخة ..

وترجع تسـألة: تصير صقيقي..؟!

قال: على الرحب والسعة

دورت فكرة أنها تلعب عليه فقالت: وش رايك نلعب لعبة الظهر ..

قال: يالله ..

قالت: بس نبدا فيك .. بأجلس على ظهرك وتدفني بلطف لقبيلتي ..

ووافق .. ماصدق أن أحد يلعب معه

وما أن أبحرت

حتى وصلت إلى قبيلتهــا ..

ودعت البحر وقالت: هذا وجهي إن لعبتك على ظهـري ..

وحطت رجلهــا وانحاشت

:

:

:

وعاشت حيــــاة سـ ع ـيدة

* وش رايكم أصلح أسوي قصص..؟!

** لا بالله ماتصلحين .. كان مابقى أحد من الصغار ماتعقد هع

أبــو ريـاليــن D:

هلا والله

هالتدوينة بتاع كلووو

يعني باختصار أبو ريالين

 

نبدأ في المفيد

هذي أفيد لك <- لوزين مأثرين فيها

 

في وحدة من الحصص

كنت طفشااانه

ومعي ستكر بارز قلب ومطاط نحيف أحمر

قمت أشخبط على ورقة

إلين ماطلعت معي هالنتيجة:

 

نروح لبطاقة:

 

وهذا دفتر لي

حبيت أوريكم تسطيري له

 

سطر تساطييييير

 

وبــــس

!

علبة هدية مولوده

السلام عليكم ورحمة الله وبركاته ..

سبق وقلت لكم أن اختي ولدت

 

وأنا من النوع اللي أحب أني أعطي الهدية من يديني ..

 

 

فغلفت علبة بالأبيض وهذي شكلها كامل

 

 

من فوق

قصيت مربع فاتح شامواه زهر وفوقه عنابي

وحطيت شب شب صغير .. بتقولون من ويييين الشب شب

سالفته أني لقيت في أبو ريالين مع الألعاب ألعاب طفل مصاصة ورضاعة وسدارة …الخ ومعها هالشبشب .. فحبيته وشريته

 

وفيه 4 جهات الأولى فيها سمايلات راسمتها والثانية هذي

وهذا الجنب الثالث:

 

وهذا الراااابع:

 

 

وبـــــس

حامل ملفات

السلام عليكم

 

طلبت مني وحده عزيزة علي .. حامل ملفات ..

وقالت على ذوقك ..

فسويته في نص ساعه ..

الصورة فاضية بدون كتب فلا تواخزونا على الأطراف إذا ملتها كتب بتكون مختفية ..

 

آرائكم

الحمدلله

السلام عليكم

 

أمس صارت أحداث كثيـرة ..

كأنها 3 أيــام

 

وأحلى حدث أن اختي جابت لنا بنوته حلوة ..

 

الله يخليها لنا

بطاقات+عرض القصة

الســلام عليكم ..

قصة سعد سبق ونزلتها في هالبوست

 حطيتها على هالفلينة للعرض

الفكرة فكرتي .. والعمل عمل اختي الله يخليها لي

*التصوير الله بالخير لأن كاميرا جوال

 وهذي بطاقات متعدده:

وبــس

غلاف الـCD

السلام عليكم

الصورة تتكلم ..

هيدر جديد ^^”

وهـ ..

من زمان وأنا أبي أغيرهـ ..

بس أنسى :/

لكن بحمدالله غيرته

من الألوان الفرايحية إلى البني ..

واجب الصحف

واجب جديد

س/ ماذا تعني لك الصحف؟!

الخير والشر

الصدق والكذب

الأخبار ..

هل انت من متابعين الصحف؟!

نص ونص ..

إذا شفتها قريتهـا وإلا ما أشدد على القراءة فيهـا

من اين تبداء الصحيفه من الاول او من الاخر؟!

من الأخيــر

ما أدري ليه!

 

اول صحيفه تقرأها ولازم تمر عليها؟!

ما تجينــا غير الحيــاة ..

والالكترونيه .. ناااادر أدخلهـا.. جريدة الرياض وبعض الأحيان

اكثر صحيفه تقرأها ؟!

الحياة لأنها هي المتوفرة يوميــا

 

حليت الواجب الحمدلله ..

أمرره لـ

” كل من وده يحل الواجب “