سمايلات الوورد بريس

السلام عليكم ..

 

تعقدت من الوورد بريس بس في السمايلات

 

لكن جلست أحوس إلين عرفت بعض السمايلات المستخدمة فيهـا

 

أول شيء السمايلات هذي العبارة اللي تحتهـا حطوها بين : :  مثلا كأنه مكتوب جنبهـا basoom  تحطونها كذا :basoom:

بسم الله

 

mrgreen

oops

twisted

arrow

lol

shock

cry

?

idea

roll

 

 

 

خلصنا من أم نقطتين نجي للي قبلهـا بس : وحده مثل :basoom

)

(

|

P

o

;

وهذي حالة ثانية ماتحطون لا وحده ولاثنتين وراها قوس مثلاً: بسوم)

8) 

ماطلع هنــا بس شوفوه في التعليق اللي تحت ^^’ 

 تخيلوا أمس كاتبة هالتدوينة ..

وفي النهاية :/

ضااااااعت عاد هنـا بأنهار ..

وجاء اليوم الجمعة من الفراغ شفت التدوينات المفتوحة

وألقاااااااااااااااهااااااااااااا الحمدلله

• عندي الألوان والصور ماتشتغل معي ما دري ليه اللي يعرف يعلمني
• بعض السمايلات الغريب ماطلعت في البوست بس تطلع في التعليق!

طاولتي يا طاولتي .. ما عليتس من القراشيع

السلام عليكم

 

{مدخل:

الناس يكتبون شعر وأنا بحط لكم صورة بروش حضرتي مسويته

 

 

طاولتي يا طاولتي .. ما عليك من القراشيع

 

في بداية الدراسة

كنت كارهه فصلي

لأن مافيه إلا أنا أما صديقاتي فكانوا في الفصل اللي جنبي

وكانت مافيه إلا وحدة وجت فترة صارت مشكلة بعدين رجعنـا

المهم .. بعد فترة صار هو أحب فصل لي

ماقد مرت علي مثل هالسنة

ومثل حب هالفصل

فصادقت البنات اللي فيه

وصرنا مثل الأخوات

بس محموعتنا الـ9 أكثر من أخوات

وقررنا نجلد الفصل طاولاته

زهر وتفاحي

وجلدناه وصار حظي تفاحي

وقلت لازم أكوشخ طاولتي

وأقصقص من الجرايد وأركب

إلين طلعت النتيجة تسرني .. بس بعد فترة من الشهور جار عليهـا الزمن وأنحاست بس بتبقى غااااالية ..

 

وهذا شرح لهالطاولة

 

 

 

 

وهذي بعد وحدة من الآثار

http://up103.arabsh.com/files/cisgdxiupo66gxd7m21m.jpg 

 

أما عن الطاولة الجديدة

على هالرابط

http://up103.arabsh.com/files/5hi17rlq6g75ikv92w42.jpg

 

 

رايكووووم

 

واجب أدبي

السلام عليكم ..

 

مررت لي الحلوة إحساس هذا الواجب

 

- ما أفضل قصة قرأتيها حتى الآن ؟ و عن ماذا تتحدث ؟

.. (هــاري بوتـر) ..

ما أتوقع فيه أحد مايعرف عنه ..

أحب خيال الكاتبة .. تعيشين صدق بينهم تتخيلين الفلم قدامك .. وتتأثرين معهم بعد!! .. 

قصته في مدرسة السحر .. وكيف يتغلب على العقبات الموجودة

وكل جزء تحلى فيه المغامرة أكثر

- ما الذي تفضلينه أكثر ، القصة أم الرواية ؟ و لماذا ؟

القصة من ناحية وحدة ..لأني ما احب أطول في الشيء لازم أجل عليه وأخلصه ما فيني صبر

جربت الرواية .. متعبة بالنسبة لي و أفضلهـا عن القصة 

- هل سبق و أن فكرتِ بتأليف قصة ؟ و عن أي شيء تتحدث قصتكِ ( بعد إذنكم ) ؟

نعم ..

وتجربة ما أمداني أكملهـا .. إلا وتركتهـا لأني حسيت أنها متكررة!

عن بنات عم مايطيقون بعضهم .. بعد ما حدتهم الظروف وعاشوا في نفس البيت صارت صداقتهم قوية بعد تعرضهم لموقف

وأفكر أني أكتب قصة أنمي .. لأنه مايمكن أن تتكرر القصص فيه .. يعتمد على الخيال

أكثر من القصص والروايات الثانية

- ما الشركة أو الدار التي تعتقدين بأنها مميزة في النشر ؟

ما فيه شيء معين .. المهم يفيدني أو يسليني 

- هل تفضلين الكتب القديمة [ذات الورق الأصفر]؟ في حال رفضكِ /ما النوع المفضل؟

أفضل الورق (الأبيض المصقول) .. لأنه يحسسني بالتنشيط والجدّه.

 

إن شاء الله أكون وفيت بإجاباتي

آسفة على تأخير حل الواجب ^^’

 

أسبـوع الصداقة..

{ السلام عليكم ورحمة الله وبركـــاته ..~

 

بمناسبة أسبوع الصداقة

هذي هدية لكل أصدقائي

 

وهذي أوضح

http://up103.arabsh.com/files/ivztsaw0uilnpg6ymj9r.jpg 

وهذي خصيصة

 

…

شطحة عن موضوع الصداقة

هذي صورة جديدة

C.U

للحين على الدقة القديمة..؟!

السلام عليكم

هلا والله فيكم

 

هالموضوع من زماااان يقرقع في قلبي

 

 

ألا وهو جوائز المدارس

الواحد إذا خذ الهدية يتحمس لها

وفي النهـاية:

 

تجراف - ساعة تعلقينهـا - سلسال أبو ريالين - ربطة

أدري طرارة وأتشرط

بس مب ضارهم بدال ما أحطها في الدولاب وتغبر يجيبون شغله ثانيه أستفيد منهـا أو نشتفيد كلنا منهـا..!!!

 

أنا أقدر لهم هالتشجيع

 

بس يقدرون بفلوس الساعة الحائطية يجيبون من (نكتار) عطر جسم بـ5 ريال بس..!

أو 10 ريال بدال ما يشترون ساعة بخمية أو عشرة..!

 

وإلا..؟!

 

 

التجراف محطوط السعر عليه بخمسة

وإذا افترضنا لإن الساعتين بعد بخمسة

يطلع لنـا 15 ريال

نقدر نجيب بها وبالساهل شيء يناسب بنت في هالعمر ..!!

 

 

أذكر في الإبتدائي دايم أرجع للبيت بسلسال أو سواره أو بكلة مفكوكة من مجموعة بكل (يقسمون وحدة بريالين لأكثر من بكلة..!!!)

 

لو جمعت فلوسهـا كلهـا بتجيب لي شيء حلوو

 

 

الإذاعة المطرسية .. “الملحقات”

السلام عليكم ..

 

من ثلاث أسابيع ..

كان علينا الدور في الإذاعة المدرسية ..

فلازم نتحمس ..

لأن عليها درجات .. بس بين جمعيتنـا ..

يعني كل مجموعة في الجمعية ..

عليهـا دور ..

فأخذنــا ولله الحمد 100%

 

هذي الميدالية جلست أحورف فيهـا في أسبوع اللي كان إجازة ..

ميدالية الخير ..

الميداليات الدرزن بـ7 ريال

والورق ورق أصفر مقوى 50 ورقة بـ5 ريال

وماكلفنا ولا شيء بس أني تقطعت يديني فيه ..

وهذا هو

 

 

—–

 

أما الملحق الثاني فطبعت هالصورة لعشرة ريال بعد ماقصيت بس الواجهه

 

فلم الــزرافة .. الرعب تناناناااااا

{ السلام عليكم ورحمة الله وبركــاتهـ ..~

الكل عارف أوقات الضيق وأولهـا حالتي ..

إذا صار عندك أختبار من بكرة وتحاولين تدورين شيء تشغلين فيه عمرك ..

أدعووووووا لي بالتوفيق ..

هذا فلم الزرافة ..

قلم هدية من خيي ..

جاز لي شكله

وهوجست فيه وعشقته .. فقررت أخليه بطل فلم ..

والفلم بأسمه بعد

أسم الفلم:  الــزرافة .. ومغامرتهـا البحرية

تمثيـل: بطولة: الزرافة المملوحة

إنتاج: مدونة بسوم

برعاية الـwordpress.com

إخراج وتصوير وإضاءة…الخ من الأعمال: Basoom

منذ مبطي من الوقت .. كانت هنــاك (زروفة) .. تعيش بين قبيلة الـ(زرافات) .. كانت طموحة ..

مجدة .. شاطرة ومؤدبة

وفي ذات يوم .. حلمت .. أن تزور البحر وتشوف أخباره .. وشكله

فحققت حلمهـا .. وشدت شنطتـا  .. ومشت بأغراضهـا ..

وقامت تبحر .. وتبحر .. وتبحر ..

()

وبعد بــرهه

أتت أمواج تلاطم خديهـا الموردتين  .. وتنط مرة منا .. ومرة مناك

ولازالت الأمواج تلطمهـا وتعطيهـا كفوف حارة .. في هذيك اللحظة حست أنها صقد نعمومة

فمن رقتهـا أغمى عليهـا ..

فكانت تطفو على سطح البحـر

وبعد ماطفت .. نطلهــا البحر على الجــزيرة ..

نطلة المــال المقهور النافر

ولكن ..

فكرت زروفة .. وفكرت .. وفكرت ألين ماتعب مخهـا من التفكــير ..

فقالت آخر حل أني أطقهـا صداقة مع البحر .. يمكن مايكمخني مرتن أخرى مثل هالكمخة ..

وترجع تسـألة: تصير صقيقي..؟!

قال: على الرحب والسعة

دورت فكرة أنها تلعب عليه فقالت: وش رايك نلعب لعبة الظهر ..

قال: يالله ..

قالت: بس نبدا فيك .. بأجلس على ظهرك وتدفني بلطف لقبيلتي ..

ووافق .. ماصدق أن أحد يلعب معه

وما أن أبحرت

حتى وصلت إلى قبيلتهــا ..

ودعت البحر وقالت: هذا وجهي إن لعبتك على ظهـري ..

وحطت رجلهــا وانحاشت

:

:

:

وعاشت حيــــاة سـ ع ـيدة

* وش رايكم أصلح أسوي قصص..؟!

** لا بالله ماتصلحين .. كان مابقى أحد من الصغار ماتعقد هع

أبــو ريـاليــن D:

هلا والله

هالتدوينة بتاع كلووو

يعني باختصار أبو ريالين

 

نبدأ في المفيد

هذي أفيد لك <- لوزين مأثرين فيها

 

في وحدة من الحصص

كنت طفشااانه

ومعي ستكر بارز قلب ومطاط نحيف أحمر

قمت أشخبط على ورقة

إلين ماطلعت معي هالنتيجة:

 

نروح لبطاقة:

 

وهذا دفتر لي

حبيت أوريكم تسطيري له

 

سطر تساطييييير

 

وبــــس

!